ರಾಯಚೂರು-ನಗರದ ಹಳೆ ಆಸ್ಪತ್ರೆಯಿಂದ ವಾಟರ್ ಪ್ಲಾಂಟ್ ಕಡೆ ಹೋಗುವ ರಸ್ತೆಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ಅಪರಾಧ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ. ಆರೋಪಿಗಳ ಹೆಸರು ತಿಳಿದು ಬಂದಿಲ್ಲ. ಗಾಂಜಾ ಮಾರಾಟ ಮಾಡಲಾ ಗುತ್ತಿದೆ ಎಂಬ ಮಾಹಿತಿ ಮೇರೆಗೆ ಸಿಇಎನ್ ಅಪರಾಧ ಪೊಲೀಸ್ ಠಾಣೆಯ ಠಾಣಾ ಧಿಕಾರಿ ಮಹಾಂತೇಶ ಟಿ ನೇತೃತ್ವದಲ್ಲಿ ಸಿಬ್ಬಂಧಿಗಳಾದ ವಿಕ್ರಂಸಿಂ ಹರೆಡ್ಡಿ, ಆನಂದ, ಶಶಿಧರ, ಜೆ.ಮಾಳಿಂಗರಾಯ, ಪೀರಸಾಬ ಅವರನ್ನು ಒಳಗೊಂಡ ತಂಡ ಗಾಂಜಾ ಮಾರಾಟಗಾರರನ್ನು ಬಂಧಿಸಿ 6000 ರೂ. ಬೆಲೆಬಾಳುವ 559 ಗ್ರಾಂ. ಗಾಂಜಾ ವಶಕ್ಕೆ ಪಡೆದಿದ್ದಾರೆ. ತಂಡದ ಯಶಸ್ವಿ ಕಾರ್ಯಾಚರಣೆಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ನಿಖಿಲ್ ಬಿ. ಶ್ಲಾಘಿಸಿದ್ದಾರೆ.
