ರಾಯಚೂರು. ಜಿಲ್ಲೆಯ ವಿವಿಧ ಪೋಲಿಸ್ ಠಾಣೆಗಳ ಪೊಲೀಸ್ ಇನ್ಸ್‌ಪೆಕ್ಟರ್ ( ಸಿವಿಲ್ ) ಅಧಿಕಾರಿಗಳನ್ನು ವರ್ಗಾವಣೆ ಮಾಡಿ ಡೈರೆಕ್ಟರ್ ಜನರಲ್ ಮತ್ತು ಇನ್ಸ್‌ಪೆಕ್ಟರ್, ಜನರಲ್ ಆಫ್ ಪೋಲಿಸ್ ಅಧಿಕಾರಿ ಆದೇಶ ಹೊರಡಿಸಿದ್ದಾರೆ.
ಮುಳಗುಂದ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್ ( ಸಿವಿಲ್ ) ಅಶೋಕ ಅಣ್ಣಪ್ಪ ಸದಲಗಿ ಇವರನ್ನು ದೇವದುರ್ಗ ಪೊಲೀಸ್ ಠಾಣೆಗೆ ವರ್ಗಾವಣೆ ಮಾಡಲಾಗಿದೆ.
ರಾಯಚೂರು ಗ್ರಾಮಾಂತರ ವೃತ್ತ ಠಾಣೆಯ ಪ್ರದೀಪ್ ವೈ ತಲಕೆರಿ ಇವರನ್ನು ವರ್ಗಾವಣೆ ಮಾಡಿದ್ದು, ಇವರ ಸ್ಥಾನಕ್ಕೆ ಯಾದಗಿರಿಯ ಜೆಸ್ಕಾಂ ಜಾಗೃತದಳ ಅಧಿಕಾರಿ ಸಾಬಯ್ಯ ಇವರನ್ನು ನೇಮಕ ಮಾಡಲಾಗಿದೆ.
ಸಿಂಧನೂರು ವೃತ್ತದ ಪೊಲೀಸ್ ಇನ್ಸ್‌ಪೆಕ್ಟರ್ ( ಸಿವಿಲ್ ) ರವಿ ಕುಮಾರ ಅವರನ್ನು ವರ್ಗಾವಣೆ ಮಾಡಿದ್ದು ಅವರ ಸ್ಥಾನಕ್ಕೆ ವೀರಾರೆಡ್ಡಿ ಇವರನ್ನು ನೇಮಕಗೊಳಿಸಿದೆ. ಮಹಮದ್ ಫಸಿಯುದ್ದಿನ್ ಅವರನ್ನು ರಾಯಚೂರು ಡಿಎಸ್‌ಬಿ ಆಗಿ ವರ್ಗಾವಣೆ ಮಾಡಲಾಗಿದೆ.
ಹಟ್ಟಿ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್ ( ಸಿವಿಲ್ ) ಅಧಿಕಾರಿ ಪ್ರಕಾಶ ಎಸ್ ಮಾಲಿ ಇವರನ್ನು ವರ್ಗಾವಣೆ ಮಾಡಲಾಗಿದೆ.
