ಕೆಸರು ರಸ್ತೆಯಲ್ಲಿ ಸಿಲುಕಿದ ಭತ್ತದ ಲಾರಿ ಹೊರ ತೆಗೆಯಲು ಹರ ಸಾಹಸ

ರಾಯಚೂರು. ಗದ್ವಾಲ್ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದರಿಂದ ಕೆಸರಿನಲ್ಲಿ ಭತ್ತ ಹೊತ್ತೊಯ್ಯುತ್ತಿದ್ದ ಲಾರಿ ಸಿಕ್ಕಿ ಹಾಕಿಕೊಂಡಿದೆ.

ನಗರದ ಬಸವನ ಭಾವಿ ವೃತ್ತದಿಂದ ಗದ್ವಾಲ್ ರಸ್ತೆಗೆ ತೆರಳುವ ತಿರುವಿನಲ್ಲಿ ಲಾರಿ ಕೆಸರಿನಲ್ಲಿ ಸಿಕ್ಕಿ ಹಾಕಿಕೊಂಡಿದೆ.
ಗದ್ವಾಲ್ ರಸ್ತೆಯು ಸಂಪೂರ್ಣ ಹದಗೆಟ್ಟು ರಸ್ತೆಯಲ್ಲಿ ಬೃಹದಾಕಾರದ ಗುಂಡಿಗಳು ಬಿದ್ದಿವೆ, ಮನೆಗಳ ಚರಂಡಿ ನೀರು, ಜೊತೆಗೆ ನೀರಿನ ಪೈಪ್ ಲೈನ್ ಹೊಡೆದು ಹೋಗಿದೆ, ಇದರಿಂದ ಸಂಚಾರಕ್ಕೆ ತೀವ್ರ ತೊಂದರೆ ಉಂಟಾಗಿದೆ.
ಭತ್ತ ಸಾಗಿಸುತ್ತಿದ್ದ ಲಾರಿಯು ಗುಂಡಿಯಲ್ಲಿ ಸಿಕ್ಕಿ ಹಾಕಿಕೊಂಡಿದ್ದು ಹೊರ ತೆಗೆಯದೇ ಆಗದಿದ್ದರಿಂದ ಮತ್ತೊಂದು ಲಾರಿ ತರಿಸಿ ಭತ್ತವನ್ನು ಅನ್ ಲೋಡ್ ಮಾಡಲಾಯಿತು. ನಂತರ ಲಾರಿಯನ್ನು ಹೊರೆ ತೆಗೆಯಲಾಯಿತು.