ರಾಯಚೂರು : ರಾಯಚೂರು ವಿಶ್ವವಿದ್ಯಾಲಯ ಹಾಗೂ ಲಕ್ಷ್ಮೀ ವೆಂಕಟೇಶ ದೇಸಾಯಿ ಕಾಲೇಜು ಇವರುಗಳ ಸಂಯುಕ್ತಾಶ್ರಯದಲ್ಲಿ ಇತ್ತೀಚೆಗೆ ಜರುಗಿದ ವಿಶ್ವವಿದ್ಯಾಲಯದ ತಂಡದ ಆಯ್ಕೆ ಪ್ರಕ್ರಿಯೆ ಜರುಗಿತು.
ಇದರಲ್ಲಿ ವೇದಾಂತ ಕಾಲೇಜಿನ ವಿದ್ಯಾರ್ಥಿಗಳಾದ ಅಭಿಲಾಷ್ ತಂದೆ ಪಾಪಾರೆಡ್ಡಿ ಹಾಗೂ ಆದರ್ಶ ತಂದೆ ಪಾಪಾರೆಡ್ಡಿ ಈ ಇಬ್ಬರು ವಿದ್ಯಾರ್ಥಿಗಳು
ಆಯ್ಕೆಗೊಂಡಿದ್ದು ಇದೇ ಜನವರಿ 15 ಕ್ಕೆ ನೈಋತ್ಯ ವಲಯದ ಎಲ್ಎನ್ ಸಿಟಿ ಭೋಪಾಲ್ ನಲ್ಲಿ ಜರುಗುವ ಅಂತರ್ ವಿಶ್ವವಿದ್ಯಾಲಯ ಚಾಂಪಿಯನ್ ಶಿಪ್ ನಲ್ಲಿ ರಾಯಚೂರು ವಿಶ್ವವಿದ್ಯಾಲಯ ತಂಡವನ್ನು ಪ್ರತಿನಿಧಿಸಲಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ಕಾಲೇಜಿನ ನಿರ್ವಾಹಕರಾದ ರಾಕೇಶ್ ರಾಜಲಬಂಡ, ವಾಣಿಜ್ಯ ವಿಭಾಗದ ಮುಖ್ಯಸ್ಥರಾದ ರಮ್ಯಾ, ಪ್ರಾಂಶುಪಾಲರಾದ ವಂಶಿ ಕೃಷ್ಣ, ದೈಹಿಕ ಶಿಕ್ಷಕರಾದ ರವಿಕುಮಾರ್ ರವರು ಸೇರಿದಂತೆ ಇತರರು ಹರ್ಷ ವ್ಯಕ್ತಪಡಿಸಿದ್ದು ಮುಂದಿ‌ನ ಹಂತದಲ್ಲಿ ಯಶಸ್ಸು ಸಿಗಲಿ ಎಂದು ಹಾರೈಸಿದರು.
