ಸಿಂಧನೂರು:ಮಸ್ಕಿ ಹೊರವಲಯದ ಡಿಗ್ರಿ ಕಾಲೇಜ್ ಬಳಿ ಬೈಕ್ ಹಾಗೂ ಕಂಕರ್ ಟಿಪ್ಪರ್ ಮುಖಾಮುಖಿಯಾಗಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರರಿಬ್ಬರು ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಗುರುವಾರ ಬೆಳಗ್ಗೆ ನಡೆದಿದೆ.
ಸಿಂಧನೂರು ನಗರದ ಟಿಪ್ಪುಸುಲ್ತಾನ ಕಾಲೋ ನಿಯ ಶ್ಯಾಮೀದ್ (20), ಸಲ್ಮಾನ್ (12) ಮೃತ ದುದೈರ್ವಿಗಳು. ಸಿಂಧನೂರಿನಿಂದ ಮುದಗಲ್ ಗೆ ಸಂಬಂಧಿಕರ ಮದುವೆಗೆ ತೆರಳುತ್ತಿರುವಾಗ ಈ ದುರ್ಘಟನೆ ಸಂಭವಿಸಿದೆ. ಮುದಗಲ್ ನಿಂದ ಮಸ್ಕಿ ಗೆ ಬರುತ್ತಿದ್ದ ಕಂಕರ್ ತುಂಬಿದ ಟಿಪ್ಪರ್ ಹಾಗೂ ಮಸ್ಕಿಯಿಂದ ಮುದಗಲ್ ಕಡೆಗೆ ಹೊರಟ ಬೈಕ್ ಗೆ ಡಿಕ್ಕಿ ಹೊಡೆದಿದ್ದರಿಂದ ಬೈಕ್ ಸವಾರರಿಬ್ಬರ ಪ್ರಾಣಪಕ್ಷಿ ಹಾರಿಹೋಗಿದೆ.
ಘಟನಾ ಸ್ಥಳಕ್ಕೆ ಭೇಟಿ ನೀಡಿದ ಮಸ್ಕಿ ಪೊಲೀಸರು, ಟಿಪ್ಪರ್ ವಾಹನ ಹಾಗೂ ಚಾಲಕನನ್ನು ವಶಕ್ಕೆ ಪಡೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಮೃತದೇಹವನ್ನು ಮಸ್ಕಿ ಸರ್ಕಾರಿ ಆಸ್ಪತ್ರೆಗೆ ರವಾನಿಸಲಾಗಿದೆ.
