ರಾಯಚೂರು. ಮೊಹರಮ್ ಆಚರಣೆ ವೇಳೆ ಕೆಂಡ ಆಯುವಾಗ ಆಯತಪ್ಪಿ ಕೊಂಡಕ್ಕೆ ಬಿದ್ದ ವ್ಯಕ್ತಿಯೋರ್ವ ಸಾವನಪ್ಪಿದ ಘಟನೆ ಜಿಲ್ಲೆಯ ಮಸ್ಕಿ ತಾಲೂಕಿನ ಬೊಮ್ಮನಾಳ ಗ್ರಾಮದಲ್ಲಿ ಸೋಮವಾರ ರಾತ್ರಿ ಘಟನೆ.
ಮೃತಪಟ್ಟಿರುವ ವ್ಯಕ್ತಿ ಯಮನಪ್ಪ ನಾಯಕ್ (45) ಎಂದು ಗುರುತಿಸಲಾಗಿದೆ. ಮುಸ್ಲಿಂ ರ ಪವಿತ್ರ ಹಬ್ಬ ಮೊಹರಮ್ ಆಚರಣೆ ವೇಳೆ ದೇವರು ಹೊತ್ತವರು ಅಗ್ನಿ ಹಾಯೋದು ಸಂಪ್ರದಾಯವಾಗಿದೆ, ದೇವರಲ್ಲಿ ಬೇಡಿಕೆ ಈಡೇರಿದಾಗಲೂ ಕೆಲವರು ಬೆಂಕಿ ಹಾಯುತ್ತಾರೆ,
ಬೆಂಕಿ ಹಾಯುವಾಗ ಕೊಂಡಕ್ಕೆ ಆಯ ತಪ್ಪಿ ಬಿದ್ದ ಯಮನಪ್ಪ ನಾಯಕ್ ಎನ್ನುವ ವ್ಯಕ್ತಿ ಬೆಂಕಿಯ ಕೆನ್ನಾಲಿಗೆಗೆ ಸುಟ್ಟು ಕರಕಲಾಗಿದೆ.
ಈ ವೇಳೆ ಯಮನಪ್ಪನನ್ನು ರಕ್ಷಣೆಗೆ ಗ್ರಾಮಸ್ಥರು ಮುಂದಾದರು, ಬೆಂಕಿ ಆರಿಸಲು ನೀರು ಹಾಕಿ ರಕ್ಷಣೆ ಮಾಡಿದರೂ ಸಹ ಭಾಗಶಃ ಕೊಂಡದ ಲ್ಲಿಯೇ ಯಮನಪ್ಪ ದೇಹ ಸುಟ್ಟ ಹೋಗಿದೆ.
ಈ ಕುರಿತು ತುರುವಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
