ರಾಯಚೂರು: ರಾಯಚೂರು ನಗರದ ಶಾಸಕರಾದ ಶಿವರಾಜ ಪಾಟೀಲ್ ತಮ್ಮ ಮೊಬೈಲ್ ಲೊಕೇಷನ್ ಕ್ರಮಪದ್ಧತಿಯಿಂದ 70 ರಿಂದ 80 ಬಾರಿ ಟ್ರ್ಯಾಕ್ ಆಗುತ್ತಿದೆ ಎಂಬ ಆರೋಪ ಹೊರಡಿಸಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪುಟ್ಟಮಾದಯ್ಯ ಅವರ ಮುಂದೆ ಅಳಲು ತೋಡಿಕೊಂಡಿದ್ದಾರೆ.
ಒಂದು ಪ್ರಕರಣದ ವಿಚಾರಣೆ ವೇಳೆ ಮಾತನಾಡುತ್ತಿದ್ದ ಶಾಸಕರು, “ಯಾರು ನನ್ನ ಬೆನ್ನ ಹಿಂದೆ ಬಿದ್ದಿದ್ದಾರೆ ಗೊತ್ತಿಲ್ಲ ಸರ್, ನಗರ ಪೊಲೀಸ್ ಠಾಣೆಗಳಿಂದಲೇ ನನ್ನ ಲೊಕೇಷನ್ ತೆಗೆಯುತ್ತಿದ್ದಾರೆ. ತಿಂಗಳಿಗೆ 70 ಬಾರಿ ಲೊಕೇಷನ್ ತೆಗೆಸುವುದು ಸಾಮಾನ್ಯವೆ? ಇದು ಗೂಢಚರ್ಯೆಯ ಭಾಗವೇನೋ ಅನ್ನಿಸುತ್ತದೆ” ಎಂದು ಆಶ್ಚರ್ಯ ವ್ಯಕ್ತಪಡಿಸಿದರು.
“ನೀವು ಎಲ್ಲರಿಗಿಂತ ಹೆಚ್ಚು ಗೊತ್ತಿರಬೇಕು ಸರ್, ನನ್ನ ಮೇಲೆ ಇಂಥಾ ಗತಿಗಳು ನಡೆಯುತ್ತಿವೆ. ಯಾಕೆ ನನ್ನ ಚಲನವಲನಗಳ ಬಗ್ಗೆ ಹೀಗಾಗಿ ಆಸಕ್ತಿ?” ಎಂದು ಅವಾಚ್ಯ ಶಬ್ದಗಳೊಂದಿಗೆ ತಮ್ಮ ಅಸಹನೆಯನ್ನು ವ್ಯಕ್ತಪಡಿಸಿದರು.
ಶಾಸಕರ ಈ ಅಳಲು ತೋಡಿಕೊಂಡಿರುವ ದೃಶ್ಯವೊಂದು ವಿಡಿಯೋ ರೂಪದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಪೊಲೀಸರು ಈ ಕುರಿತು ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.
